தங்கமயில் வாகனன் முருகன்
தங்கமாக உடல் ஜொலிக்கும் அழகன்
அழகன், கருணை மயில் வாகனன் முருகன்
கருணை பொழியும் கண்கள்கொண்ட கந்தன்
கந்தன், முத்து மயில் வாகனன் முருகன்
முத்து தெரிக்க சிரிக்கும் திருக்குமரன்
குமரன், பவள மயில் வாகனன் முருகன்
பவள வாய் புன்னகைக்கும் அமுதன்
அமுதன், மின்னும் மயில் வாகனன் முருகன்
கன்னம் மின்னும் கவரும் கதிர்காமன்
கதிர்காமன், பறக்கும் மயில் வாகனன் முருகன்
பரந்துவிரிந்த தோள்கள் கொண்ட பவனவன்
பவன், பன்னீர் மயில் வாகனன் முருகன்
பன்னிரு கரங்கள் காக்கும் கதிர்வேலவன்
வேலன், தேவ மயில் வாகனன் முருகன்
தேக்கு தேகம் தேரும்பெற்ற தென்முகன்
தென்முகன், நீல மயில் வாகனன் முருகன்
நீண்ட நெடுங்கால்கள் கொண்ட நிமலனவன்
நிமலன், அழகு மயில் வாகனன் முருகன்
அழகெல்லாம் குடி கொண்ட குகனவன்
குகன், வெள்ளி மயில் வாகனன் முருகன்
வள்ளி துள்ள கிள்ளியவன் கிழவன்
கிழவன், வண்ண மயில் வாகனன் முருகன்
வண்ண மலர்கள் சூடும் வடிவேலன்
வடிவேலன், அமிர்த மயில் வாகனன் முருகன்
பஞ்சாமிர்த சுவைக்கதரும் பழநி பிரீதன்
பிரீதன், பச்சை மயில் வாகனன் முருகன்
இச்சை தீர்த்து அருள்புரிவான் இன்முகன்
இன்முகன், ஞானமயில் வாகனன் முருகன்
ஞானியர் பற்றி சுற்றிவந்த செல்வனவன்
செல்வன், யோக மயில் வாகனன் முருகன்
யோகங்கள் கொட்டி கொட்டி தரும் சண்முகன்
சண்முகன், போக மயில் வாகனன் முருகன்
போகர் யோகர் சிலைவடித்த தண்டபாலன்
பாலன், தோகை மயில் வாகனன் முருகன்
தோளோடு தோள் கொடுக்கும் தோழனவன்
தோழன், வீர மயில் வாகனன் முருகன்
வீராதி வீரன் எங்கள் வேலனவன்
வேலன், வெற்றி மயில் வாகனன் முருகன்
வெற்றிகள் முரசு கொட்டும் வெற்றிவேலன்
வேலன், தமிழ் மயில் வாகனன் முருகன்
முத்தமிழோடு கலந்தாடும் விளையாடும் குருபரன்
பரன், ஏறும் மயில் வாகனன் முருகன்
நூறுமுகம் எடுத்து காட்டும் திருமுகன்
திருமுகன், இன்ப மயில் வாகனன் முருகன்
இன்பம் பொங்க இனிமை பெருக்கும் இளமுகன்
அன்புவாழ அகிலமாள ஆறுமுகன் ஏறிவரணும் தங்கமயில்
